之前再之前份工
做保險
在街頭做cold call問卷
搵到個客
本身對佢都冇乜野，淡淡之交，見過幾次面我估算不上好friend
跟住佢同我sign左張單
不過最後cooling off 左冇要到
都冇所謂，其實我都唔係太在意嗰張單
因為根本冇生意
多一張唔多，少一張唔少
咁但係相處又覺得佢份人同我幾match咁，我好少對女仔咁的感覺（1對1時)
我相信係所謂無所不談的感覺
跟著
已經唔記得左點開始
講起a movie
又唔記得左點約左佢，而佢又去
記得係又一城amc, 星期六午場~
(死～ 一路打覺得自己好似高登啲講故佬。。。。）
嗰時，幾乎咁大個人第一次去cinema, 除左細個同屋企人一次同幾次同night shift 同事一齊放工睇外~
仲第一次單獨一個同女仔睇movie
仲要唔係好熟
仲要唔係好熟
又要係客
又要係我眼裡都好charming的女仔
又好似好好傾咁，唔記得傾過啲乜~
睇的時候都好緊張
咁完場時，諗住去食飯，大家未食野
食飯detail 唔記得了
去左九龍城金宝食太國野
叫左兩樣定三樣野share食
食完之後，其實嗰日我要返教會的，所以都諗住就咁散水
咁佢本身返沙田教會的，我就返九龍城啦，我話喂有冇興趣上次睇下～？
咁就look左上去2／f睇下就閃左了，好似要stay with mum
咁跟住....一段時間冇搵佢 .....
點解冇搵佢呢。。。
可能因為嗰時冇錢
仙都唔仙下，lunch唔食，去welcome買特價包就一日
未完gei , 唔駛心急
咁我同佢之間的事，我的同事都知道
都有同我立ham助wei
不過可能冇$$ , 又冇諗到咩特別名目找她
就一排冇連絡了
同佢的關係也好像成為朋友這樣子了，也有add她的facebook ...
可能佢忙啲，唔多見佢online
不過尼個題外話而且
而已
跟住都幾感恩的
在頂唔順的時候，冇哂錢的時候
我除左in政府工印象都冇in其他工
有間job agency call我
叫我去見下，好快就找到啱我in的工
去左政府總部做
中環！
IFC在附近 !
睇movie 同新工之間應該都間隔了兩三個月吧
唔知點的機會, 好似係msn, 說了我在cgo做，咁約食午飯啦～
那時應該在11月左右
太約一個月約佢一次倒。。。。 唔知點解冇約佢多啲
好似我地兩個都有帶飯的
所以。。。長期飯腳不work
可能我淆，冇做咩進一步 ... 兩個朋友咁食下飯，講下無聊野咁
雖然話一個月一次倒
但actually份工我其實只係做左3個月
好似有一次我借故星期六過去搵佢食飯，（我是五日黨）
所以前後食左3個lunch吧
2月幾，收到e+份工的信
叫我交返文件喎
但，一轉左工點呢，仲有冇機會見到佢呢，心裡我是說不的
雖然人工比這個多6-7%左右 .... 但 .... 冇左約她又好似 ...
少左機會
所以都冇理封信了
過左一排，收到e+份工的ping書
我都有祈禱，係咪合我呢 ... 咁我唔理佢都照send信來，可能神都想我做gei ...咁就fax左返去
跟住又約左她
last day 食飯
中間miss左段
2月
2月有咩節日呢
2月14日
可能我都係太淆啦
只係古起勇氣約左佢13/2晚
收工去左等她
一齊在IFC, 行去碼頭，一齊坐star ferry過尖咀
諗唔到食咩
去左食po仔飯
miss 左太多野 .... 之後真係要copy返你啲chat, 我自己都好似冇特地把和她之間記錄過 ....
去左油麻地食
之後經過又唔記得了....
講返有一天星期六
特登過左去搵佢放工
又係一齊坐ferry過尖咀
跟住。。。最失敗的感覺來了。。。
喺尖咀唔知行咩，行到去海防道
間炸汁店
買左杯野飲
佢之後好似唔知咩事差唔多走
咁行去東鉄站
咁中間有個電話响起，佢電話
尼個朋友暫叫佢朋友A
佢其實冇咩戲份
話說有一次我地約左一齊收工去睇大戲(佢鐘意)，去左演X學院
朋友A有兩張free ticket
朋友a我都係拎ticket時見過一面
返回正題
聽電話的時間，佢冇話邊個, 我估a係問做緊咩之類 ...
咁佢話，依家同Alex在一起咁 .... 咁我估應該是朋友A了 ....
去到尼一部，我心裡開始諗
只是好好好普通朋友會在一個朋友說我的名嗎？見過一面就知? 就記得？定係有討論過me ...? dont know ....
最覺得自己唔醒目的事件出現了 ....
佢講完電話，行行下問，飲飲下野試唔試下佢飲緊杯野（當時我手上冇買野飲的），咁我好自然地話，唔駛啦～下一秒已經覺得自己豬了 ...
和她一直的距離下 .... 這算是相當大的示好吧 ...
帶著這個心情送她入閘 .....
之後經過那店都會買那東西回憶下尼種遺憾～
又講返last day
都有同佢講 ... 唔知會邊度office la ....仲有冇機一齊食飯呢 ...
當report duty 知道唔係返headquarter .... 係返旺角東時 .... 都幾sad ....
雖然。。。。超近屋企。。。唔駛oversea
但借口好似不再有咁 ...
跟住一兩個月忙於pickup new job, 又mo lala要一個人做3個人野 ,,,
冇乜call她了 ...
不久後 ....relationship changed .... 心已死 ....
我估同時有人追緊佢 ... 鬼咩 .... 咁冷淡
知report duty MK時都有即時sms話佢知 ...
跟住又係去左個冇乜聯絡的模式 ....
生日 happy birthday sms lor ... happy new year ...
基本上，故事就講完了 ....
之後就間中扮冇野同佢facebook chat ...
知佢轉左工 ~
冇約啊 。。。
之前間唔中又show下男友相～
e+冇乜啲，生活相多，（定係hide左？）但relationship no change
唯一一次主動做左咁多野的關係 ...
諗返起其實個女仔幾好幾靚咁 ... 點解會accept我dating真係好唔明白。。。
曾經諗過約佢飲野，雖然知佢拍緊。。但又想表示下心意加問下點解呢，其實對我有冇曾經有少少一丁點野呢。。。but 淆ed ~
09年的舊事了~
